close
難得在香港休假，去光顧某連鎖x仔食米線，食到一半有一對情侶搭枱，
阿姐黎落單期間，男仔一直低頭邊玩電話邊講食乜餸
男：「酸菜竹笙豬肉，仲有土匪雞翼。」
阿姐：「唉呀，無電喇，玩左成日玩到無晒電喇！」
男仔即刻抬起頭望下阿姐乜料，因為成枱人都真係誤以為阿姐話佢響度玩電話嘛。
阿姐(笑住講)：「我係話我部(落單)機無晒電呀，無電熄左機，無晒d落單紀錄，等我一陣呀！」
半分鐘後，阿姐返黎確認一次呢對情侶張單，佢一行埋黎就對個男仔講：
「你係輸晒畜生之肉土匪，岩唔岩？」
我差d比粒墨丸哽親呀!!!!!!!!!!!!
阿姐覆完單後，對情侶都忍唔住笑，個女仔仲要重複左好多次：「輸晒呀，畜生！仲要係肉土匪！」
大家都好明白，x仔d阿姐的確係大部分帶鄉音的，絕對無歧視成份，而且每次去呢間分店d姐姐都好禮貌，好鍾意佢地！呢件事上面，唔知點解，我覺得阿姐係有心玩下個男仔的！
全站熱搜
留言列表
