日元大跌，個個都話去日本掃貨，
近幾個月每次飛日本，回程返香港機上所有空姐空少人心惶惶，鬼咩！個個客都大包小包咁上機，遲少少上機你頭頂上面或前後左右個行李櫃已經滿左，好彩的話遠處搵到個位俾你放行李，唔好彩的話：「唔好意思無晒位我幫你check in左佢！」我明我明，你會嬲我地無晒位俾你放行李，但要怪就怪Yen太低所以大家都買太多好唔好？
講真，一向對香港各連鎖藥妝店賣的高價扮特價日韓台藥妝我都嗤之以鼻，759買零食？唔好玩啦我真係唔想同人迫。好喇，廢話講完！
約左朋友食飯無意中路經759 KAWAIILAND，恕我後知後覺，我唔知道有間咁既野，見店內無乜人唔會迫，好奇入去睇下啦，平心而論，日本我成日去，有d貨係同日本買差不多價錢，有d梗係貴啦，好似無乜驚喜啫，點知呢個時候店員話「依家會員正價7折」(22/01-25/01)！七折？咁我用開既產品真係會平過日本買！而且唔駛退稅添！
短短15分鐘已經殺到一頸血，推薦必買產品如下：
Pure Smile精華面膜 ($36.8，會員七折後$25.8)：
一包內有8片，獨立包裝，衛生又方便！
Pure Smile是韓國公司在日本發行的面膜，韓國製造，日本藥妝免稅後售價約100yen 一片，現在每片只需港幣3.225！
Pure Smile Choosy 唇部磨砂($51.8，街坊價九折後$46.6)：
去除唇部死皮角質，令雙唇變得幼滑、回復柔軟滋潤、撫平唇紋。
店內3款味道可供選擇 : Peach Milk 蜜桃牛奶、Honey Vanilla 蜜糖雲呢拿、Brown Sugar 黑糖。媳婦最喜歡黑糖味道，塗上嘴唇是甜甜的，真的好像吃黑糖棒棒糖一樣！
註：日本另有Chocolate 朱古力味道選擇。
使用方法很簡單：先清潔雙唇、印乾水份，然後沾取少量的磨砂膏塗於唇部，再用手指頭輕輕按摩，真的輕輕就好！最後，以沾濕的化妝棉輕拭，或以水洗淨即可！雙唇立即會變柔軟！
Pure Smile Choosy潤唇膜($7，會員七折後$4.9)：
獨立包裝，店內貨架上只有蜜桃、香草、水果味選擇（此系列其實有多達十款），只能用台灣腔講句「好了啦，撿到便宜還要挑！」，買買買！還掃光了我最喜歡的蜜桃味！（≧∇≦）
敷唇膜前可先使用磨砂膏，去角質後能有助吸收唇膜的精華。
以上兩款Pure smile 護唇產品有一特色，除了用於唇部，更可以用於在乳頭上，有圖為證。
藍色盒Silcot化妝棉($18.9，會員七折後$13.2)：
坦白講仍然比日本貴少少，不過化妝棉雖然輕但好佔行李空間，所以貴2、3蚊當平手啦！
有乜好？用少一半化妝水囉！
至於後面盒粉紅色CottonLabo化妝棉80片孖裝($10.9，會員七折後$7.6)：
買只因佢真係好平，但係好厚好吸⋯可以用作磨砂後清潔唇部用，但不建議配合toner 化妝水等使用，除非你支化妝水倒左都唔會覺得可惜！
喂，有無人想要盒CottonLabo化妝棉？上我屋企自取唔該！
留言列表
